Татарстанлылар язгы беренче авыл хуҗалыгы ярминкәсендә йөз тонна шикәр сатып алдылар. Шимбә республика буенча тагын ярминкәләр була. Элеккеге авыл хуҗалыгы ярминкәләрендә көнгә 20 тонна шикәр сатылган булса, ярминкәнең беренче көнендә үткән шимбәдә биш тапкыр күбрәк — 100 тоннага якын сатылган. Спекуляциядән качу өчен — кулга 10 килограмм саттылар. Шул ук вакытта башка продукциягә дә кызыксыну зур: мәсәлән, ярмаларга, йомыркага.
Бу шимбәдә ярминкәләргә тагын шикәр, тоз һәм башка продукцияне авыл хуҗалыгы җитештерүчеләреннән алып киләләр. Казанда сәүдә иртәнге сәгать алтыдан 15 мәйданчыкта оештырыла.
Эре яшелчәләр, шикәр һәм тоз — болар барысы да эш көннәрендә базарларда сатып алырга мөмкин, әмма ярминкәнең үзенчәлеге шунда ки, барлык төр продукцияне турыдан-туры авыл кешеләреннән, җитештерүчеләрдән арзанрак бәядән сатылы.
Бәяләр күп факторларга бәйле. Татарстан Республикасы Премьер-министры урынбасары — Татарстан Республикасы авыл хуҗалыгы һәм азык-төлек министры Марат Җаббаров Россиядә җитештерелгән азык-төлек товарларының бәясе арту сәбәбен аңлатты. Бу җитештерүчеләрнең импорттан бәйлелеге. Упаковка, өстәмә чимал.
Орлыкларга килгәндә, проблемалар юк – тәэмин ителеш якынча 115 процент. Ашлама-Россиянеке. Бүген барысы да чәчүгә әзер, аграрийлар 2,5 миллион гектардан артык көзге һәм язгы культуралар чәчү планлаштырыла. Әлбәттә -һава торышы да мөһим роль уйный.
