Татарстан прокуратурасы шикәр комы җитештерүчеләр һәм сатучылар алдына катгый бурыч куйды. Буа һәм Зәй заводлары җитәкчеләренә күзәтчелек ведомствосыннан кисәтү хатлары җибәрелде. Шул ук вакытта полиция хезмәткәрләре Казанда бер алыпсатарны тоткарлаган.
Хәзерге шартларның криминаль кадры.Чит ил машинасы багажнигында – корал, валюта, наркотик түгел, ә татлы товар. 50 килограммлы шикәр капчыгы.
Бер ир шикәрне базар бәясеннән кыйммәтрәккә сатарга уйлаган. Полиция хезмәткәрләре контроль сатып алган.
Минем коллегам да тәмле ашамлыкларны кыйммәт бәядән тәкъдим итүчеләрне ачыклау өчен, интернеттагы белдерүне укып, шалтыратты.
Социаль челтәрләрдә тәкъдимнәр күп. Полиция хезмәткәрләре спекулянтларны тоткарлый башлаган.
Хәзер җитештерүчеләр һәм тәэмин итүчеләр контрольдә.
Җыелган материаллар монополиягә каршы хезмәткә җибәрелде. Эшчәнлекнең законсыз булуы ачыкланса, кагыйдә бозучылар җавап тотачак.
Вадим Струминский, Владимир Юрков, Татарстан яңалыклары.
