Безнең телерадиокомпания «Балалар рәсем ясый» 16 нчы республика телевизион конкурсын башлап җибәрде.
Без аны мәгариф һәм фән министрлыгы, ЮХИДИ идарәсе, «Юл хәрәкәте иминлеге» дәүләт-бюджет учрежденеисе һәм «Бердәм Россия» партиясе белән берлектә уздырабыз. Яшь катнашучылар-башлангыч сыйныф укучылары үз эшләре өчен Россия халыкларының мәдәни мирасы елы, Татарстанда цифрлаштыру елы, Куркынычсыз юллар, шулай ук «Без – үз Ватаныбызның патриотлары» темаларын сайлап ала ала. Ике ай дәвамында акциягә республиканың барлык шәһәрләре һәм районнары да кушыла. Безнең хәбәрчеләр, гадәттәчә, конкурс эшләренең ничек әзерләнүе турында сюжетлар әзерли. Ә финал һәм конкурс җиңүчеләрен бүләкләү тантанасын июнь аенда безнең төп бәйрәмебез – Россия көне алдыннан үткәрү планлаштырыла.
