Кереме аз булган гаиләләрдә тәрбияләнүче балалар өчен түләүләрне май аенда бирә башлыйлар. Алар 1 апрельдән исәпләнә.
Кешеләрнең матди хәлен оператив рәвештә исәпкә алырга, бигрәк тә, әти-әниләр эшен югалткан очракта, андыйларга дәүләт ярдәмен тиз арада күрсәтү мөмкинлеге карала.Балаларга яңа пособие билгеләү тәкъдимен Владимир Путин март башында әйткән иде. Сүз гаиләнең уртача керемен җан исәбенә бүлгәч, бер кешегә яшәү минимумыннан кимрәк сумма туры килә торган гаиләләр турында бара. Пособиенең күләме төрле. Ул төбәктә билгеләнгән яшәү минимумының 50, 75 яки 100 проценты кадәр булырга мөмкин. Якынча күләме — алты меңнән алып унике мең сумга кадәр.
