Бүген төрки һәм фарсы телле халыкларның борынгыдан килгән Нәүрүз бәйрәме билгеләп үтелә. Ул 21 мартта көн белән төн тигезләшкән көнгә туры килә.
Бу көнне авыл хуҗалыгы белән көн күрүче халыкларның Яңа елы башлана. 2009 елның сентябрендә Нәүруз ЮНЕСКОның кешелекнең матди булмаган мәдәни мирасы исемлегенә кертелде. 2010 елда Берләшкән милләтләр оешмасы 21 мартны Халыкара Нәүрүз көне дип игълан итте. Бу көнне төрки һәм фарсы халыклары ял итә, кунакка йөрешәләр, бер-берсен тәмле милли ризыклар белән сыйлыйлар.
