Әссәлемегаләйкем вә рәхмәтуллаи вә бәрәкүтәхү
Татарстан мөфтияте Казыйлар шурасының 2022 елда Татарстанда Рамазан аен үткәрү мәсьәләсе буенча чираттагы утырышы узды. Җыелышта Рамазан ае башлану һәм тәмамлану вакытына, тәравих намазында укыла торган рәкәгатьләр санына, фидия һәм фитыр сәдакаларына кагылышлы сораулар тикшереледе. Беренче чиратта хәзрәтләр уразаның башлану һәм тәмамлану көннәрен билгеләде. 1нче апрельдә ястү намазыннан соң беренче тәравих намазы укыла, 2нче апрель – уразаның беренче көне. 30нчы апрельдә – соңгы тәравих намазы, 1нче майда – уразаның соңгы көне, 2нче майда – Ураза бәйрәме.
“Рамазан ае җиткәч гомрә кыл, чөнки гомрә бу айда хаҗ кылуга тиң була” дип язылуын искәртә дин белгечләре. Татарстанның «ДУМ РТ Хаҗ» рәсми хаҗ-операторы Рамазан аенда 150 кешегә гомрә кылуны оештыра. Мәккә һәм Мәдинә җирләренә гомрә кылу өчен 3 төркем сәфәр итәргә җыена. Согуд Гарәбстанына төркемнәрне Татарстанның иң тәҗрибәле хәзрәтләре озата бара. Алар хаҗиларның иминлеген һәм сәламәтлеген кайгырту, Согуд Гарәбстанында пандемия чорында эчке тәртип кагыйдәләрен үтәү, дини гамәлләрне башкару буенча консультацияләр бирү өчен җаваплы.
***
Татарстандагы 1000нән артык мәчет арасында Рамазан исемлесе дә бар.
Шушы көннәрдә узган Милли Шура утырышында Ислам динен кабул итүнең 1110 еллыгын уздыруга әзерлек темасы да көн тәртибенә кертелгән иде.
СНХ Васил Шәйхразыев
Бөтендөнья татар конгрессының Милли Шура рәисе
Ярдәм мәчете дә гадәттәгечә Рамазан аена әзерләнә. Ураза тоту аеның 1 нче көненнән үк 1500 кешегә исәпләнгән ифтар мәҗлесләре , килә алмаучыларның өйләренә барып өләшү дә оештырыла. Бу хакта 2021 елда Ярдәм Фонды эшчәнлеге нәтиҗәләре, 2022 елга планнар һәм изге Рамазан аенда азык-төлекне күпләп ашатуны һәм таратуны оештыру турындагы матбугат конференциясендә әйтелде. Төп хисап чыгышын Фонд Советы Рәисе, ТР мөфтиенең социаль мәсьәләләр буенча киңәшчесе Илдар Баязитов ясады.
1 апрельдән Рамазан аенда сукырлар һәм начар күрүчеләр өчен «күрергә һәм ишетергә йөрәк» проекты старт ала. Быел шулай ук -Луганск Халык Республикасыннан 6 ятим баланы «Гаилә учагы»балалар йортына алырга,күпфункцияле спорт үзәге ачарга; — Семиозерка авылында сәламәтлеге чикле кешеләр өчен даими йорты төзелешен башларгаи ниятлиләр.
***
Бүгенгә шушылар. Йортыгызга, гамиләгезгә иминлек-бәрәкәт теләп саубуллашам.
