Буа электр челтәрләрендә хезмәт куючы Александр Шагаров турында сүзебез. 40 еллык стажы булган энергетик белән профессиягә килү тарихын, аның нечкәлекләрен барладык.
Александр Шагаровның Буа электр челтәрләрендә хезмәт юлы автомобиль йөртүчесе вазифасыннан башлана. Армия сафларында хезмәт итеп кайтып, тормыш корып җибәргәннән соң, 1982нче елның апрелендә килә ул оешмага.
Шул ук елны Буа электр челтәрләрендә оста булып эшли башлый Александр. Биш елдан соң Буа электр челтәрләре директоры Илгизәр Мөлеков аны электр челтәрләренең Буа районы баш инженеры итеп билгели. Менә инде 26 ел Александр Шагаров әлеге вазифаны били. Ике дистә елдан артык аның эш көне билгеләнгән тыгыз график буенча үтә.
Буа электр челтәрләрендә 75 кеше хезмәт куя. Инженерлар, монтерлар, контролерлар — барысы да Александр Васильевичны җаваплы, таләпчән булуын билгеләп үтәләр.
Әнә шундый җылы сүзләр ишетелә Александр Шагаров адресына. 40 ел энергетика өлкәсендә хезмәт куйган, инде лаеклы ялга китәр көне җиткәндә язмышының шул дәвердә узган һәр баскычы өчен рәхмәтле булуын әйтә ул.
Алсу Сәмигуллина, Илнур Кадыйров. Татарстан яңалыклары.
