Алабугада Борынгы Болгар бабаларыбызның Ислам динен рәсми кабул итүенең 1100 еллыгына әзерлек бара. Тарихи материалларны җыюга керешкәннәр.
Тиздән Алабуганың Җәмигъ мәчетендә Ислам тарихына багышланган музей ачу күздә тотыла. Ул Идел буе Болгары дәүләтенең Ислам динен рәсми кабул итүенең 1100 еллыгына багышлана. Мондый музей булдыру фикере күптән бар иде, хәзер аны тормышка ашырырга вакыт җитте, дип сөйли Алабуга районы имам-мөхтәсибе Хәлим хәзрәт Шәмсетдинов.
Ислам тарихы музеенда нинди мәчетләр, мәдрәсәләр булуы турында мәгълүматлар, тарихи экспонт булачак. Татар халкында:”Үткәннәрдән башка киләчәк юк”, — дигән гыйбарә бар. Без дә үз тарихыбызны белергә тиешбез.
Алабугада яшәүче дин кардәшләребезнең Җәмигъ мәчетенә үзләрендә сакланган тарихи экспонатларны яки аларның күчермәләрен тапшыруларын сорыйлар. Болар борынгы китаплар, фоторәсемнәр, хатлар, шамаиллар, мөселман киемнәре булырга мөмкин.
Музей Җәмигъ мәчете фойесында урнаша, Бездә музей-тыюлык проекты бар. Туристлар борынгы бабаларыбызның ничек яшәгәнен, динни омтылышларын, гыйлемнәре турында белә ала
ТИТР 8(927) 475-07-59
Тарихи экспонатлар җыю1 апрельгә кадәр дәвам итә. Тарихи ядкәрьләрне бергәләп саклыйк.
Гөлназ Гайни, Татарстан яңалыклары, Алабуга.
