“Чигүле Россия” проекты үз эшен күптән түгел башлап җибәргән иде. Әлеге проекта Татарстан Республикасы вәкилләре дә катнаша. Әмир Мәҗитов музенда бизәкләр кулланып республикабызның территориясен чигтеләр. Безнең хәбәрчебез бәйге турында тулырак белешеп кайтты.
“Чигүле Россия” проекты үз эшен 1872 елда башлап җибәрә. Ул чорда Мәскәү институтында укыган кызлар Россия картасын чиккән, ә бүген исә һәр төбәк, һәр республика һәм һәр өлкә үз территориясендәге милли бизәкләрне кулланып чигүләр ясый. Бәйгенең максаты: бар милләтләрне берләштерү, милли чигүне саклау, Россия тарихын популярлаштыру һәм аңа карата кызыксыну уяту. Татарстан Республикасының мәдәният министры урынбасары да проектның Татарстандагы чагылышын кайгырта.
Әлеге бәйгедә Россиянең барлык төбәкләр дә катнаша ала, ә аерым төбәктәге кеше исә үз эшен бәйгегә тәкъдим итә ала. Катнашучыларны чикләү юк. Оештыручылар бар регионнарга шаблон җибәрә һәм шуңа таянып катнашучылар үз бизәкләрен чигә. Ә чигелгән Россия картасы июнь уртасында халыкка күрсәтелер дип көтелә.
Искәндәр Гыймалтдинов, Сәфәрмох Хаматшина, Дамир Мөхәммәтханов, Татарстан яңалыклары.
