Көнбатыш санкцияләре эре «Майский» Теплица комбинаты эшенә йогынты ясамады. Яшелчәләрне төяп җибәрү штат режимында бара. Кирәк булганда, аны арттырырга һәм өстәмә мәйданнарга җәелдерергә дә мөмкин. Хәзер анда уңыш җыюга әзерләнәләр. Тулырак алдагы сюжетта.
Узган ел нәтиҗәләре буенча 43 мең тоннадан артык кыяр, помидор, борыч һәм яшел тәмләткечләр җитештерелгән. Кыскасы, нинди генә яшелчә юк!
Үсемлекләрне махсус төклетуралар серкәләндерә. Алар өчен температура һәм дымлылык балансы, яктырту дәрәҗәсе һәм, әлбәттә, пестицидлар булмавы бик мөһим. Умартачылар кебек түтәлләрдә теплица хезмәткәрләре дә эшли. Алар тырыш бал кортларыннан бердә ким түгел. Һәрберсенең үз участогы бар, шытымнарны эшкәртергә һәм уңыш алырга кирәк. Томатларны атнага ике тапкыр җыйсалар, кыяр-көн саен.
Ә бу-җитештерүнең иң татлы урыннары. Биредә Җир җиләге үстерү белән күптән шөгыльләнәләр. Ә берничә ел элек голубика үстерә башлаганнар. Ике ел элек кыш көне теплицада кура җиләге плантацияләре барлыкка килгән.
Көнбатыш санкцияләре комбинат эшенә берничек тә йогынты ясамады диярлек. Биредә импортны алыштыру белән инде 3 дистә ел шөгыльләнгәннәр. Барлык конструкцияләр, Лампалар, Яктырткычлар, су сибү системалары – үзебездә җитештерелгән.
Узган ел нәтиҗәләре буенча теплицалар 3 миллиард 600 миллион тонна продукция саткан. Илшат Ганиев сүзләренә караганда, быел җитештерү күләме 43 мең тоннадан 45 мең тоннага кадәр артырга мөмкин.
Моның өчен барлык мөмкинлекләр дә бар. Өстәвенә, күптән түгел 4 нче Энергоүзәк эшли башлаган. Ә бу исә, электр энергиясе белән комбинатны тулаем тәэмин итәргә мөмкинлек бирә.
Ләлә Зәйнуллина, Дмитрий Второв, Владимир Юрков, Татарстан яңалыклары өчен Яшел Үзән районыннан.
