Әлфия Авзалова- татар эстрада сәнгатенә нигез салган, репертуарына 500дән артык җыр туплаган, шул исәптән, дөньяның 17 телендә башкарган бөек җырчы. Ә аның иҗади мирасын яшь буынга таныту өчен нинди чаралар уза? Әлфия Авзалова үзәгеннән хәбәрчебез Мөршидә Җиһан репортажы.
Соңга елларда иҗат әһелләре , аеруча җырчылар арасында Фатирчылар-квартирник дип аталган кичәләр аеруча ешайды. Әлфия Авзалова үзәгендә дә ай саен диярлек уза.
Бу юлы Әлфия Авзалова үзәгенә Премьер төркеме чыгыш ясады. Егетләр ялгыз да , төркем буларак та җырлый. 2015 елны Уфа шәһәрендә оешкан квартет. Барысы да Әлфия Авзалованың иҗатына мөкиббән.
Төркемнең аерым җитәкчесе дә продюсеры да юк. Репертуарны сайлау белән шулай ук берәү дә аерым шөгыльләнми. Җырларны үзләре сайлап ала, кайчагында тамашачылар да тәкъдим итә ди егетләр.
Алмас Хөсәенов якташлары белән очрашырга килүгә, аны туп-туры сәхнәгә әйдәделәр. Күңелләренә сандугач кергән диярсең.
Әлфия Авзалова үзәгендә ул кичтә әнә шушындый халкыбыз һәм дөньякүләм музыкаль әсәрләре байтак яңгырады.
Минем өчен бүгенге җыр бәйрәме ачыш булды. Шул исәптән “Премьер” төркеме дә . Бар эшемне ташлап шушы үзәккә килдем. Зәвыклы җырлар, җырчылар. Киләчәктә , аеруча җәй көне мондый музыкаль чараларны күбрәк уздырырга уйлыйбыз.
Җырны белеп җырлаучылар янында биеми түзеп кара ди әнисе истәлегенә багышланган чараларны оештыручы Зөлфия Авзалова. Нигъмәтҗанова. Җыр бәйрәме генә түгел чәчкәләр бәйләме дә бүләк итте Әлфия Авзалова үзәге кунаклары.
Мөршидә Җиһан, Ирек Хәмидуллин. Татарстан яңалыклары.
