Менә инде ике ел рәттән Казан Кооператив институтының Татар мәдәнияте үзәгендә танылган драматург, прозаик, публицист, җәмагать эшлеклесе Туфан Миңнуллинга багышланган чаралар оештырыла.
Узган ел ул драматург хөрмәтенә искә алу кичәсе булып кереп калган булса, быел исә “Туфан Миңнуллин феномены”, дигән конкурс иглан ителгән иде. Күптән түгел генә Халыкара язучылар көнендә бәйге җиңүчеләрен игълан иттеләр. Тулырак Фәннур Хәсәнов видеоязмасында.
Чараларның формалары аерылса да, асылы үзгәрми. Туфан ага Миңнуллин фикерләвенчә татар телебезне, гореф-гадәтләребезне барыбыз бергәләп саклаганда гына ул яшәячәк.
Олпат зат Туфан ага Миңнуллин һәрвакыт татар теле, мәдәнияте, аның язмышы турында һәрдаим чыгышлар ясады, телебезне дәүләт теле дәрәҗәсенә күтәрү юлында армый – талмыш эш алып барды.
Әлеге конкурста Туфан ага Миңнуллинның фикерләрен үз иткән, аның эшен дәвам иткән төрле яшьтшге һәм төрле профессия вәкилләре катнашты. Һәр катнашучыга дипломнар һәм Евразия рәссамнар берлеге әгьзасы Гөлсем Хаҗиева иҗат иткән Туфан Миңнуллин портреты бүләк ителде. Фәннур Хәсәнов, Айрат Каюмов Татарстан яңалыклары.
