Бүген театрлар язмышын ни көтә? Репертуарны ничек дөрес сайларга? Театр белгечләре Татарстан театрлары үсешенә багышланган түгәрәк өстәл янына җыелып әлеге сорауларга җавап эзләде. Буа шәһрендә узган чарадан хәбәрчелеребез репортажы.
Буа театры тарихы узган гасырга барып тоташа, беренче спектакль 105 ел элек уйнала, яңасы яңартылганага да инде 20 ел үтеп киткән. Шуңа да Татарстан Республикасы мәдәният министры Ирада Әюпова җитәкчелегендә Татарстан театрларының тактик һәм стратегик үсеше дип исемләнгән түгәрәк өстәлнең Буа шәһәрендә үткәрелүе очраклы түгел.
Тамашачы театрга килгәч үз хыялларын тормышка ашыру өчен көч алып, канатланып чыгырга тиеш дип саный белгечләр. Бу максатка ирешү өчен уңай шарталар тудыру мөһим дип саный тәнкыйтьче Нияз Игъламов.
Сәнгать җитәкчеләре, театр директорлары белән шушындый җыелышка күптәннән ихтыяҗ бар иде ди оештыручылар. Бик күп сорауларга ачыклык кертелде. Аеруча театрда яңа технологияләр куллану, репертуар яңарту, драматургиядә яңа исемнәр ачу, гастроль һәм фестиваль эшчәнлеген оптимальләштерүгә багышланган мәсьәләләр тикшерелде. «Пушкин картасы»ннан файдалануның нәтиҗәлелеген арттыру буенча ведомствоара комиссия төзү турында да сүз булды. Әлеге программа кысаларында Туфан Миңнуллинның “Гөргөри кияүләре” пьесасы буенча куелган “Кияүләр” спектаклен тәкъдим итү дә каралган иде.
Алия Галиуллина, Фәннур Хәсәнов, Ирек Хәмидуллин, Татарстан яңалыклары.
