10 марттан 27 мартка кадәр Мәскәү, Уфа, Казан шәһәрләрендә балет артисты һәм хореограф Рудольф Нуриевка багышланган мәдәни чаралар оештырыла.
Нуриев сезоннары» проекты 2018 елда — Рудольф Нуриевның тууына 80 ел тулу уңаеннан барлыкка килде. Тамашалар күренекле артистның тормыш сәхифләренә багышлана. Сугыштан соңгы елларда ул гаиләсе белән Мәскәүдә яши, Зур театрда узган конкурста балет артисты буларак беренче бүләген ала. Туган шәһәре Уфада аның балачагы, яшьлеге үтә. Шунда балет артисты булып җитлегә. Казанда Рудольф Нуриев дирижер буларак чыгыш ясый. Аның әнисе дә Татарстаннан. Проектта Нуриев турындагы документаль һәм нәфис фильмнар тәкдим ителә. Артистның моңа кадәр Россиядә билгеле булмаган рәсемнәреннән эксклюзив фотоэкспозиция оештырыла. Европадан килгән кунаклар — Нуриевның элеккеге коллегалары һәм дуслары белән очрашулар да күздә тотыла.
