Данлыклы “Казан” бию ансамбленә 25 ел! Коллектив үзенең юбилей концертын әзерли һәм өр-яңа “Голливуд” дип исемләнгән җырлы-биюле тамашасын тәкъдим итә. Репетицияне хәбәрчебез Айзилә Батырханова да күзәтте.
Сәхнәдә соңгы әзерлек эшләре. Биючеләр “мускул хәтере” белән һәр хәрәкәтне автомат рәвешкә китерә. Быел Казан бию ансамбе Голливуд дөнья сәнгатенә йөз тоткан. Максатыбыз бөек Чарли Чаплин, Мерлин Монро, Элвим Пресли шәхесләрен яшь буынга күрсәтү, сүзсез кино чорыннан алып Дисней мультфильмнарына барып тоташу, дөнья сәнгате белән бию аша таныштыру дип сөйләде ансамбленең сәнгать җитәкчесе Чулпан Закирова.
Голливуд идеясе ике ел элек пандемия вакытында, өйдә ятканда туды дип шаяртты Чулпан Закирова. Узган ел Казан бию ансамбле өчен бик уңышлы булган – ансамблҗ Казанның мактау китабына кертелде.Шулай ук Чулпан мәдәният үзәге ачылды. Хәзер биючеләр зур хореография залларында шөгыльләнә. Казан шәһәр филармониясе солистлары гаҗәеп матур сәхнәдә концертлар куя.
Казан бию ансамбленең 25 еллыгы уңаеннан оештырылган концерт тамашаны 1,2 март Камал театрында, 17, 19 март көннәрендә Чулпан мәдәният үзәгендә тамаша кылып була.
Айзилә батырханова, Ирек Хәмидуллин, Татарстан яңалыклары.
