Сез үлсәгез мин дә онытылырмын, яшәсәгез мин дә яшәрмен. Татарстанда герой-шагыйрь Муса Җәлил һәм халкыбызның мәшһүр җырчысы Илһам Шакиров туган көннәренә багышланган чаралар дәвам итә.
Бу экспромт кичә дип искәртте оештыручылар. Бирегә килгән һәр кеше Муса Җәлилнең шигырьләр җыентыгыннан берәр өзек, яисә Илһам абый Шакиров мирас итеп калдырган мәңге онытылмас җырны башкара алды. Самими балалар шигыре дә, тиңдәшсез батырлык рухы белән сугарылганнары да яңгырды сәхнәдән.
Кичәнең идея авторы Татарстанның халык артисты Гөлзадә Сафиуллина. Шушы көннәрдә Җәлил һәйкәле янында еш булдым. Җәлил белән бергә гомере өзелгән 11 көрәшчегә дога кылдым дип сүзен башлады Гөлзадә ханым. Яшьләрнең Җәлилне оныта баруларнына йөрәге әрни аның. Шуңа да бөтен республика, Россия төбәкләрендә әдәби музыкаль акцияләр оештыруны максат иткән.
Айзилә Батырханова, Таһир Хәсәнов, татарстан яңалыклары.
