2026 елда Кама ярындагы шәһәр төзелгәнгә 60 ел тула. Татарстан Президенты Рөстәм Миңнехановка Түбән Каманың үсеш концепциясе тәкъдим ителде. Киләчәктәге Түбән Кама-нинди ул? Җавабын хәбәрчеләребез белә.
Татарстан Республикасы Президенты Рөстәм Миңнеханов Түбән Кама муниципаль районы башлыгы Рамиль Муллин һәм башка рәсми затлар озатуында берничә объектны карады. Күп функцияле үзәкнең бу бүлеге шәһәрнең яңа торак микрорайоннары янында урнашкан. Рөстәм Миңнеханов филиалга беренче килүчеләрнең берсе булды. Кабул итүгә шулай ук алдан ук хезмәт күрсәтүләрне сорап язылучылар да килде.
Йомгаклау сессиясендә районның социаль-икътисади үсеш нәтиҗәләренә хисап ясалды. Быел һәм киләчәктә үтәлергә тиешле бурычлар куелды.Алар арасында 5 еллык үсеш программасы да бар.
Татарстан Республикасы Президенты
Рөстәм Миңнеханов: «Түбән Кама районының 5 еллык социаль-икътисадый үсеше программасын эшләргә һәм кабул итәргә кирәк. Программага бизнес-структуралар да җәлеп ителергә тиеш, чөнки шәһәр эре сәнәгать предприятиеләрен хезмәт ресурслары белән тәэмин итә.»
Түбән Кама районы башкарма комитеты җитәкчесе Рамил Муллин шәһәрдә яңа мәдәни үзәк төзү планнары, һәм «Түбән Кама – 60» программасын тормышка ашыру турында сөйләде Аның төп максаты — шәһәрне илнең нефть химиясе тармагы башкаласына әверелдерү. Моның өчен Түбән Камада 60 зур проект гамәлгә ашырырга планлаштырыла.
Мөршидә Җиһан Валентина Васильева. Татарстан яңалыклары
