Билгеле булганча, сәхнә бик күп тарихи шәхесләрне халык күңелендә янартырга, аларны исемнәрен мангеләштерергә сәләтле.
Ә Кариев театрының премьерасында төп герой — күркәм замандашларыбызның берсе. Тамашачыларга махсус Татарстанның атказанган артисты Рәмзия Закирҗановага багышлап Айгөл Әхмәтгалиева язган пьеса буенча Матур Сити спектакле тәкъдим ителә. Премьерадан безнең махсус репортаж.
Йөзләгән төрледән-төрле образ, сезон саен премьера, шуның өстенә театр сәхнәсе белән генә чикләнми, кино өлкәсендә дә талант лы актриса бкларак күрсәтә килә. 10нан артык кинофильм. Болар барысы да кечкенәдән артист булырга хыялланучы Рәзмия Закирҗанова уңышлары. Аның шәхси тормышы белән якыннан танышкач, көчле рукхлы, тормышның ямен-тәмен татып, матурлык, нур сибеп яшәүче актриса икәненә инанасың. Спектакльдә дә тышкы матурлык беренче урынга куелган заманда ихласлыкны, ышанычны һәм яратуны сатып алып булмауы, тормыш акча белән түгел, якты хисләр белән үлчәнүе аның герое аша ачыклана.
Психологик яктан тирән актриса, партнёрга күп мөмкинлек бирә, ярдәм итә, кызык бәйләнешләр таба белә ди спектакльнең режиссёры Ренат Әюпов.
Рәмзия апаның бенефисына атап язылган спектакльдә уйнау зур бүләк-бәхет Спекткаль матурлык турында, ә Рәмзия ханым эчке дөнья матурлыгын ача булүче шәхес дип уртаклашты Татарстанның атказанган артисты Фернат Насыйбуллин.
Татарстан Республикасы Дәүләт Советы депутаты Альбина Насыйрова Татарстан Республикасы Дәүләт Советы рәисе Фәрит Мөхәммәтшин исеменнән татар театрына фидакәрь хезмәте өчен рәхмәт хаты тапшырлды.
Юбилярны котларга Камал, Тинчурин, Курчак, яшь тамашачы театры артистлары, коллегалары, курсташлары, һәм иң югары бәя бирүче тугры тамашачысы килгән иде. Яшь тамашачы театрын Рәмзия Закирҗанова белән бергә яратабыз, Кариев театрын Рәмзия Зирәк кызыннан башка күз алдына китереп булмый ди алар.
Сәхнәне ярата торган көчле рухлы, гәҗәеп актриса. Артистка махсус багышлап язылган пьеса, алай гына түгел ул үзе шушы спектакльдә баш рольне уйнау артист өчен иң зур бәхет. Күзләреннән яшьлек ялкыны сүнмәгән, язмышына рәхмәтле актриса. Тагын күп тапкырлар зурдан – зур рольләр, яңадан-яңа иҗади табышлар белән театр репертуарын баетырга язсын, Сезгә, киң кырлы тәҗрибәле шәхес, зирәк ханым Рәмзия Зирәк кызы.
Алия Галиуллина, Илдар Гәләветдинов, Татарстан яңалыклары.
