Бер ел эчендә Татарстанда эш хакын минималь хезмәт хакыннан түбәнрәк түләгән алты йөзгә якын предприятие ачыкланган.
Бу хакта Татарстан Республикасында Кеше хокуклары буенча вәкаләтле вәкил каршындагы Эксперт советының киңәйтелгән утырышында омбудсмен, төбәк белән идарә итү үзәгенең проект офисы рәисе Сәрия Сабурская хәбәр итте. Аның мәгълүматларына караганда, ике меңгә якын кеше хезмәт хакын Дәүләт гарантияли торганыннан кимрәк суммада алган. Законны берничә ел бозган кайбер предприятиеләр ачыкланган. Узган ел омбудсменга хезмәт мөнәсәбәтләре өлкәсендә 150гә якын шикаять кергән.