Чаллының ашыгыч медицина ярдәме хастаханәсе табиблары илдә беренчеләрдән булып уникаль операция ясады.
Пациентның гомерен саклап калу өчен озак тырыштылар. Күкрәк һәм корсак тирәлегенә зыян китермичә генә, протез куйдылар. Операциянең уникальлеге нәрсәдә? Без дә кызыксындык.
Ютазы районыннан 50 яшьлек пациентның диагнозлары бик шәптән булмый. Күкрәк, корсак тирәлегендә күп өзлегүләр күзәтелә. Табиблар протез куярга дигән карарга килә. Бу эшне этаплап башкаралар. Беренче тапкыр табиблар аортаны тулысынча тере синтетикага алыштыра алган. Белгечләр телендә моны аортаны — агач кәүсәсе, ә кан тамырларын – тереклек өчен мөһим органнарны туендыручы ботак дип аңлаталар.
Чаллы табибларарының уникаль технологиясе турында Лейпциг, Барселона конференцияләрендә дә фикер алыштылар. Хәзер аны чит илләрдә кулланалар. Протез баш миен, бөерләрне кан белән тәэмин итү функциясен дә үти, организмның бөтенлеген саклап кала.
Операция вакытында наркоз йогынтысы нәтиҗәсендә авыруның тән температурасын 28 градуска кадәр төшә. Кан артерияләре эшчәнлеге – 5-10 минутка туктатыла. Соңгы хәлиткеч этап 7 сәгать дәвам итеп, уңышлы тәмамлана. Хәзер авыру үзен яхшы хис итә.
Татарстан яңалыклары, Чаллы.
