«Бердәм Россия» партиясе — Татарстанда цифрлаштыру елына лаеклы рәвештә керде. Партиянең Татарстандагы бүлеге илдә беренчеләрдән булып онлайн-конференцияләр уздыра, электрон документлар әйләнешен, мобиль кушымталарны куллана башлады. Әлеге һәм башка темалар турында парламент хәбәрләрендә. Сүзне коллегам Алия Галиуллинага бирәм.
Эксперт советлары бу чакырылышта парламент эшенең нәтиҗәле яңалыкларыннан берсе булды. Мондый советлар парламентның һәр комитетында эшли башлады. Аларны тиешле юнәлештә озак һәм нәтиҗәле эшләгән тәҗрибәле белгечләр җитәкли. Узган атнада Фәрит Мөхәммәтшин эксперт советлары рәисләре белән очрашты.
Эксперт советлары Дәүләт Советының барлык комитетларында да булдырылган. Алар составында-төбәк һәм муниципаль хакимият вәкилләре, җәмәгатьчеләр, хокук белгечләре һәм галимнәр. Бу закон проектын беренче укылышка тәкъдим итү мөмкинлеген бирә. Валентина Липужина икенче чакырылышта Дәүләт төзелеше һәм җирле үзидарә комитеты каршындагы эксперт советын җитәкли.
Валентина Липужина бу утырышта да профильле тема буенча экспертларның позициясен белдерде. Якын арада ачык хакимият турындагы законны кабул итү мөһим. Дәүләт Думасында җирле үзидарәне оештыруның гомуми принциплары турындагы закон проекты хакында актив фикер алышалар. Валентина Липужина фикеренчә, республикада җирле үзидарә системасы бик нәтиҗәле, оешкан һәм халык арасында абруйлы. Федераль закон проекты беренче укылышта кабул ителде, Экспертлар советының киләсе утырышларында барлык тәкъдимнәрне, шул исәптән урыннардан кергән тәкъдимнәрне тикшерү планлаштырыла.
«Кешеләргә иң якын хакимият буларак, җирле үзидарә нәтиҗәле эшләргә тиеш, — дип саный Дәүләт Советы рәисе. -Җәмгыятьтә әлеге документ проектына карата сораулар күп, без шулай ук үз тәкъдимнәребезне әзерлибез».
Фәрит Мөхәммәтшин билгеләп үткәнчә, закон чыгару процессы экспертлар белән бәйләнештән башка мөмкин түгел. Бишенче чакырылыш Дәүләт Советы эшчәнлегендә беренче тапкыр оештырылган эксперт советлары закон чыгару инициативалары буенча фикер алышу өчен нәтиҗәле мәйданчык булды.
Закон проектларын анализлауда киләчәктә эш күп әле. Быелның мартында Казанда Идел буе закон чыгаручылары ассоциациясе утырышын үткәрү планлаштырыла. Каты коммуналь калдыклар белән эш итү өлкәсендәге реформа да төп темаларның берсс. Фәрит Мөхәммәтшин Экспертлар советы әгъзаларын әлеге мәсьәлә буенча фикер алышуга кушылырга чакырды. Гомумән алганда, парламент җитәкчесе комитетлар эшенә күбрәк практикларны җәлеп итәргә, шулай ук комитетның көн тәртибе буенча гына түгел, ә кискен темалар буенча «түгәрәк өстәл» форматында утырышлар үткәрүне активлаштырырга өндәде.
«Бердәм Россия » партиясе — Татарстанда цифрлаштыру елына лаеклы рәвештә керде. Партиянең Татарстандагы бүлеге илдә беренчеләрдән булып онлайн-конференцияләр уздыра, электрон документлар әйләнешен, мобиль кушымталарны куллана башлады
Бу хакта партиянең төбәк бүлеге лидеры Фәрит Мөхәммәтшин «Бердәм Россия» нең хисап-сайлау конференциясендә белдерде. Парламент рәисе фикеренчә, шулай да цифрлы коммуникацияләр әлегә кешеләр белән турыдан-туры аралашуны тулысынча алыштыра алмый. Иң мөһим бурычларның берсе — Думаның сайлау кампаниясе барышында сайлаучылардан кергән наказларны үтәү. Конференциядә Генераль Совет секретаре Андрей Турчак, партиянең Югары советы Бюросы әгъзасы Рөстәм Миңнеханов катнашты. Татарстан Президенты ассызыклаганча, «Бердәм Россия» нең төп максаты — «Халык программасы» ның барлык йөкләмәләрен үтәү. Республика өчен алар өстенлекле бурычлар.
Башта Фәрит Мөхәммәтшин һәм Андрей Турчак » Бердәм Россия”нең цифрлы компетенцияләрен үстерү үзәге эше белән таныштылар. Проектның төп максаты — «Бердәм Россия» нең төбәк һәм җирле башкарма комитетлары хезмәткәрләренә цифрлаштыру нигезендә үзләренең һөнәри күнекмәләрен үстерергә ярдәм итү. Шулай ук Фәрит Мөхәммәтшин һәм Андрей Турчак башкаланың 131-нче номерлы лицеенда булдылар. Татарстанның иң яхшы уку йортларының берсе мәктәпләрне капиталь ремонтлау федераль программасына кертелгән.
