Татарстанда пандемия тарихында Ковид-19 йоктыру саны буенча антирекорд теркәлгән.
«Омикрон»ның яңа штаммы да куркыныч тудыра. Исегезгә төшерәбез, узган атнада беренче очраклар теркәлгән иде. Өлкән яшьтәге кешеләр дә, кечкенә балалар да куркыныч зонасында. Вакциноция ясату мөһим. Яшүсмерләр өчен препаратның беренче партиясе республикага кайтарылды. Спутник «М» 12 яшьтән 17 яшькә кадәрге балалар өчен туры килә. Прививка олыларныкыннан нәрсә белән аерыла? Һәм аны кайчан куя башлаячаклар? Тулырак киләсе репортажда.
Менә ул — яшүсмерләр вакцинасының беренче партиясе. Олыларныкыннан аермалы буларак, савытлары махсус балалар өчен төсле итеп ясалган. Калганы — барысы да олыларныкы кебек — ике компонент, ампул эчендәге катырылган, бары тик – 18 градустан югарыда сакланмый.
Без термосумкалар сатып алдык…
«Гам-КОВИД-Вак М Россиядә ноябрь ахырында теркәлгән иде. Вакцина 12 яшьтән 17 яшькә кадәрге балалар өчен каралган. Спутник-М Спутник В белән охшашлы рәвештә барлыкка килгән, ләкин вируслы кисәкчекләрнең азрак булуы белән аерыла. Хәзер вакцинаны төбәкләр буенча бүләләр. Татарстан бүгенге көндә 2880 доза алган.
Сишәмбе көнне вакцинаны Казанда һәм якын районнар буенча тараталар. Ә пәнҗешәмбе Спутник-М республиканың барлык поликлиникаларында да булдырыла.
Вакцинация Спутник М — ирекле. Республика мәктәпләрендә хәзер ата-аналарның ризалыгына яки прививкалардан баш тартуына имзалар җыялар. Методвод буларак — хроник авыруларның кискенләшүе, аллергия реакцияләре булып тора. Поликлиникаларда яшүсмерләрнең иммунизациясен вакциналар алганнан соң ук башларга планлаштыралар.
Эльвира Фәйзуллина, Айрат Каюмов, Татарстан яңалыклары
