Түбән Камадагы 100 дән артык гаилә яңа фатир ачкычларын алды. Дәүләт торак фонды социаль ипотекага яңа йортта фатирлар бирде. Анда шәһәр предприятиеләрендә һәм бюджет оешмаларында эшләүчеләр яшисе.
Светлана Нәгыймуллина да яңа фатирын озак көткән. Ул ире белән шин җитештерү предприятиесендә эшли. Гаиләдә өч бала, шуңа күрә Нагимуллиннар өчен торак мәйданын киңәйтү аеруча мөһим. Бүген алар беренче тапкыр өч бүлмәле яңа фатирны карадылар — иркен коридор, зал, 2 йокы, зур аш-су бүлмәләре.
Янәшәдә яңа мәктәп һәм балалар бакчасы төзелеше дә алып барыла. Гаилә өчен монысы да бик уңайлы. Ике белем бирү учреждениесе дә өйдән берничә метр ераклыкта гына.
Ун катлы йортта өч подъезд, 120 фатир, шуларның алтмышы – өчәр, тагын алтмышы икешәр бүлмәле. Яңа төзелештә «Татнефть» предприятиеләре һәм бюджет оешмалары хезмәткәрләре яшәячәк. Беренче взносны хезмәткәр өчен предприятие түли. Әкренләп, хезмәткәр «Татнефть» тә эшләвен дәвам иткән саен, кертем күләме исәпкә алына.
Йорт социаль ипотека программасы буенча төзелгән. Фатирлар нефть эшкәртү предприятиеләрендә, бюджетта эшләүчеләргә бирелде. Йорт Татарстан Президенты каршындагы Дәүләт торак фонды инвестицияләре хисабына салынды.
Барлык фатирлар да тиешле сантехника, газ плитәләре, мәгълүмат җиткерү җайланмалары, су, газ һәм электр энергиясен исәпкә алу счетчиклары, җылылык регуляторлары белән тәэмин ителгән.
Светлана Шумкова, Максим Липин, Татарстан яңалыклары.
