Ковид чигенми, соңгы штамм балалар сәламәтлегенә аеруча куркынычлы.
Шуны исәпкә алып, республика мәктәпләрендә балаларга прививка ясату өчен ата-аналарның ризалыгын ачыклыйлар. Балаларга махсус билгеләнгән Спутник М вакцинасы Татарстанга гыйнвар ахырында кайтарылырга тиеш. Кемнәргә прививка ясатырга ярый, кемнәргә юк? Хәбәрчебез ачыклады.
Уналты яшьлек Милена башы авыртып, температурасы күтәрелгәч, кызыл зонага эләгә. Күрше палатада аның студент дуслары ковидтан дәвалана. Әлегә хәлләре авыр, камера каршында иркенләп аралаша алмыйлар.
Вакцинация ирекле булачак. Моны аерым билгеләп үтәр идем. Бернинди мәҗбүр итү булырга тиеш түгел Бер мөһим шарт бар. Гомуми белем бирү учреждениеләрендә укучы балаларга прививка ясау өчен ата-аналарның ризалыгы кирәк.
Спутник М вакцинасы 12-17 яшьлек балаларга исәпләнгән. Салкын тию, йогышлы авырулар белән чирләгәндә яки хроник авырулар кискенләшкәндә, балаларга приввика ясатырга ярамый. Хәзер мәктәпләрдә балаларга прививка ясату яки прививкадан баш тарту өчен ата -аналардан имза җыя башладылар. Республиканың баш эпидемиологы мәгълүматларына караганда, вакцина Татарстанга гыйнвар ахырына кайтарылырга тиеш.
Эльвира Файзулина, Илдар Галәветдинов, Татарстан яңалыклары.
