Татарстан язучылар берлеге “Гомер чалымнары” дип исемләнгән әдәби очрашулар циклын башлап җибәрде. Беренче очрашу герое –Ркаил Зәйдулла кичәсеннән хәбәрчебез Мөршидә Җиһан репортажы
Көз матур гына бер җәйге иртәдә килеп җитә шул ул. Җил таныды безне дигән шигыренә эпиграф итеп алган әлеге фәлсәфи фикер Ркаил Зәйдуллага 60 тулуын да бик төгәл сурәтли.
Язучылар берлегенең Тукай клубында узган очрашу рәсми
кысаларга кертелми, агым уңаена барды. Кысыксынучлвар сорау да бирде. Әдәбият белгече, тәнкыйтьче Рифат Сверигин иҗат юлының үсеше, шигырьләренең камилләшүе белән бәйле соравына ачыклык кертте.
Үзе Хәсән туфан мәктәбен узса, ә Ркаил Зәйдулланың төпле киңәшләре белән хәзерге татар әдәбиятенә үз өслүбе белән килеп кергән, мөхәррирерлек эшен ышанып тапшырырлык яшьләр дә үсеп чыкты.
Чайкалып куйды өрәңге – шигыремнең әсире. Көзнең адашкан яшенен куеныма яшердем дип юкка гына язмагандыр шагыйрь.Татар йөрәгендә иярләнгән ат ята диләр. Ркаил Зәйдулланың кайчак адашкан яшене яшнәп тә ала.
Язучылар, шагыйрьләр, әдәбият сәнгать әһелләрен, туганнары бергә җыйган очрашу барышында Ркаил Зәйдула Күңел дәфтәреннән Сайлап кына шигырьләрен укудан тыш тәрҗемәи хәле, тарихи истәлекләре белән дә уртаклашты .
Заманында 60 яшьлек үсмергә, 70 яшьлек егеткә, Өлкән абыйлар кирәк, Нәсыйхәт һәм үгеткә дип сөйли иде сәхнә тутырып нәфис сүз остасы Әзәл Яһүдин . Димәк , аныңча әле Татарстанның халык шагыйре, язучы, драматург Ркаил Зәйдулла өлкән абыйлар янында үсмер генә.
Мөршидә Җиһан. Ренат Сәхипгәрәев.Татарстан яңалыклары.
