Ковид чигенми, сәламәтлеккә куркынычлы йогышның яңа төр штаммнары барлыкка килә.
Мондый шартларда медицина хезмәткәрләренә дә чиргә каршы тору өчен янәдән прививка ясату мәҗбүри. Чаллының көчәйтелгән режимда эшләүче бишенче шәһәр хастаханәсе хезмәткәрләре дә әлеге процедураны уңышлы узды.
Бишенче шәһәр хастаханәсе хезмәткәре Илнара Хуҗина да ревакцинация узган, әти-әнисен дә кабат прививка ясатырга алып килгән. Әнисе укытучы булып эшли, димәк аңа да кабат прививка ясату мәҗбүри.
Бишенче шәһәр хастаханәсенә кабат прививка ясатуны сорап ,табиб-реаниматолог Галина Соловьеваның кызы да мөрәҗәгать иткән. Светлана да медицина хезмәткәре, үз вакытында ревакция үтәргә булган. Өстәвенә, беренче прививканы да яхшы кичергән.
Коронавирус белән хәл киеренке кала. Өстәвенә, илдә тагын бер яңа штамм – омикрон теркәлү очраклары бар.
Табиблар сертификат ел дәвамында гамәлдә булса да, ковидтан алты ай саен прививка ясатырга киңәш итә Чөнки төрле кешедә антитәнчекләр дәрәҗәсе төрлечә, шуны да онытырга ярамый.
Лилия Гатина, Татарстан яңалыклары, Чаллы.
