Казанда туган телдә башкаручыларның «Голос Амадины» дип исемләнгән төбәкара җырлар фестиваленә йомгак ясалды. Бу Татарстанда узган икенче шундый фестиваль.
Йомгаклау гала-концертында унике төбәк вәкилләре чыгыш ясады. Туган телләрдә яңгыраган җырлар фестиваленең матур мизгелләре киләсе репортажда.
Төрле телләрдә, берсеннән-берсе матур җырлар башкарыла. Һәркем үз туган теленең яңгырашлы аһәңен җиткерергә тырыша.
Һәр башкаручының дулкынлануы йөзенә чагыла. Арада инде танылганнары да, сәхнәдә яңа адымнарын ясаучы яшь башкаручылар, фольклор төркемнәре бар. Оригиналь оранжировка, үзенчәлекле тавышлар. Лирик һәм дәртле биюләргә кушылып җырлыйлар, борынгы халык уен коралларының уникаль тавышы да ишетелә.
Сәхнәдә һәр номер-мини-спектакль кебек. Тамашачылар башкаручыларны алкышларга күмде. Илнең унике төбәгеннән килгән катнашучыларның чыгышларын видеосүрәткә дә төшереп алырга өлгерделәр.
Финалга әзерлек барган өч көн эчендә барлык башкаручылар да дуслашырга, элемтәләр урнаштырырга өлгерделәр.
бик күп тапкыр кичләрен бергә җыелышып, төрле милләт ләрнең туган телләрендә, гитара һәм гармунга кушылып җырлар өйрәндек, үзара якынайдык.
Конкурсантларга талантларны осталык дәресләрендә тәҗрибәле остазлар ачарга булышты. Алар арасында Зәйнәп Махаева да бар.
Дагстанның халык артистсы, «Кавказ тавышы» премиясе иясе Зәйнәб Махаева фестивальнең махсус кунагы булды.
Мин башкаран халык җырлары мәхәббәт турында. Шулай ук әнигә, балаларга, халыкка,иҗатка мәхәббәт турында. Безнең бердәм, тату булуыбыз, үзара берләшү өчен еш кына шундый матур конкурслар үткәрүебез бик мөһим.
Туган ягына Зәйнәб Махаева Татарстан Мәдәният министрлыгының Рәхмәт хатын алып китте. Ә конкурсантларны дипломнар һәм призлар белән бүләкләделәр.
…Инна Данилова, Ирек Хәмидуллин, Татарстан яңалыклары.
