Быел татар халкының милли байлыгы «Татар Жыры» фестивале тарихында беренче тапкыр гала-концерт ике ел 2020 һәм 2021еллар нәтиҗәсен үз өченә алды. Узган ел пандемия сәбәпле үткәрелми калган иде. Тантаналы кичәдән хәбәрчеләребез репортажы.
Быел фестивальда Татарстан Республикасы Президенты Рөстәм Миңнеханов үзе катнашты. 2000нче елдан башлап «Татар Җыры» фестивале, тамашачы яраткан, сайлаган җырчыларны барлап, еллык музыкаль нәтиҗәләр ясый килә. Ул вакытта әле яшь музыкаль проект Татарстан Республикасының беренче Президенты Минтимер Шәймиев ярдәме белән яхшы старт алып, 2003 елда халыкара статуска—- ия була. Бу фестивальнең үзен дә, тулаем татар шоу-бизнесын үстерүдә дә яңа этап булып тора.
Камил Гәрәев «Барс Медиа» компанияләр төркеменең Директорлар советы рәисе
Татар эстрадасына күп кенә җырлар иҗат итүче, композитор, драматург, алай гына түгел беренче Татар җыры гала концертының сценарий авторы Зөлфәт Хәким фестивальга карата үзенең җылы мөнәсәбәтен җиткерде.
Зөлфәт Хәким драматург, композитор
Беренче елларыннан ук фестиваль эчендә кайнаган авторны кыйммәтле бүләк белән сөендерделәр. «Барс Медиа» компанияләр төркеменең Директорлар советы рәисе Камил Гәрәев Зөлфәт Хәкимнең 700гә якын афоризмнар туплаган җыентыгын авторның үзенә бүләк итте. Китапның бастырылуы композиторга элегә мизгелгә кадәр сер булып торган.
«Яна Йолдыз» телевизион вокаль конкурсының 2нче сезонының өч финалисты арасында кем татар эстрадасының «Яңа йолдызы» булуы ачыкланды.
Караш төркеме «Яна Йолдыз» телевизион вокаль конкурсы җиңүчеләре
Үзенең 22 еллык тарихында «Татар җыры» берничә музыкаль чорның, татар эстрада музыкасын яратучы буынның җанлы тарихы булып тора. 500 дән артык лауреат һәм 1 250 җыр милли музыкаль проект аша уза!
Һәрвакыт, тамашачы безнең җырларны тыңлаганда елаганын яки чын күңелдән кул чапканын күргән саен, без барысын да дөрес эшләгәнебезгә инанабыз дип белдерде оештыручылар.
Алия Галиуллина, Фәннур Хәсәнов, Никита Граханцев, Татарстан яңалыклары
