Кариев театры табибә Равия Мухинаның “Ак чәчәкләр кебек” спектаклен сәхнәләштергән иде. Рекламадан соң, автор белән әңгәмә карый аласыз. Бездән аерылмагыз.
Атаклы язучы Габрахман Әпсәләмовның “Ак чәчәкләр” романы басылып чыгуга 55 ел. Бу көннәрдә Казан Дәүләт яшь тамашачылар театрында танылган табибә Равия Мухинаның шушы романга нигезләп язылган пьесасы буенча куелган “Ак чәчәкләр кебек” спектакле зур уңыш белән бара. Авторның үзенең яраткан һөнәре, кешеләр гомерен коткарып калуда армый-талмый эшләүче хезмәттәшләре турында язган әсәре яшәешебездә медицина хезмәткәрләренең тоткан әһәмияте турында уйландыра, аларга карата хөрмәт уята. Ә хәзерге пандемиягә көрәш вакытында медицина хезмәткәрләренең роле тагын да арта.
БЗ гео Казан
Татарстан радиосының иртәнге турыдан-туры эфиры шушы әсәрнең язылу, пьесаны сәхнәгә кую, кабатланмас образларны тудыру тарихына багышланды. Тапшыруда катнашкан бертуган табибәләр Равия Мухина белән Мәрзыя Сәлахова яңа иҗат планнары белән дә уртаклаштылар. Тапшырудан соң без дә берничә сорау бирдек.
