Татарстан Республикасы Дәүләт сынлы сәнгать музеенда җәмәгать эшлеклесе, галим, сәяхәтче, язучы Николай Рерихның күргәзмәсе ачылды. Югары сәнгать үзенчәлекләре белән хәбәрчебез Ләлә Зәйнуллина таныштырыр.
Әлеге күргәзмә бик үзенчәлекле һәм заманча. Ул тематик мультимедиа программалы булуы белән аерылып тора.
Ирада Әюпова
Татарстан Республикасы мәдәният министры
Дөньякүләм танылган сәнгате остасы Николай Рерих Казан белән тыгыз бәйләнештә була. 1904 елда Рерих хатыны Елена Ивановна белән Казанда экспедициясен башлый. Шул заман рухы белән «Сөембикә манарасы» картинасын яза. Рәссамнарның репродукцияләре белән альбомы да Казанда чыга. 1914 елда Мәскәүдә төзелә торган Казан вокзалы темасына панно иҗат итә. Ул татар мәдәниятенең тирәнлеген аңлап тамырларыннан эзли.
Розалия Нургалиева
Татарстанның Сынлы сәнгать музее директоры
Хәзерге заман сәнгате галереясендә тәкъдим ителгән экспозициягә дәүләт Рус музее җыелмасыннан Николай Рерихның 70тән артык картинасы, шулай ук Татарстан Республикасы Дәүләт сынлы сәнгать музее, Татарстан Республикасы Милли музее, фәнни китапханәнең Сирәк китаплар һәм кулъязмалар бүлегеннән сәнгать әсәрләре тупланган.
Күргәзмә кысаларында һәр шимбә саен лекториялар да оештырыла. Күргәзмә 2022 елның 13 мартына кадәр эшли.
Ләлә Зәйнуллина, Таһир Хәсәнов. Татарстан яңалыклары.
