Азнакай укучылары Халыкара космик станция белән элемтә сеансын үткәрде. Исегезгә төшерәбез, хәзер бортта космонавтлар Антон Шкаплеров һәм Петр Дубров эшли.
Аралашу 10 минут дәвам итте, ул вакытта Халыкара галәм экипажы Татарстан территориясе өстеннән очып узды. 4 нче космик радиоэлемтә сеансы Азнакайның Яшьләр радиостанциясендә узды. Балалар һәм радиосөючеләр аңа ике атнадан артык әзерләнделәр, кыска гына вакыт эчендә берничә сорау бирә алдылар. Яшь азнакайлыларны космонавтларның тән температурасы, орбитада танылмаган объектлар очравы, кояшнын торышы кызыксындырды. Экспедициядә катнашучылар укучыларнын сорауларына җавап бирделәр, галәмне үзләштерү темасы белән кызыксынулары өчен рәхмәт белдерделәр.
