Татарстан Республикасы Фәннәр академиясендә “Ике һәм күптеллелек шартларында дәүләт һәм региональ телләрне куллануның хокукый нигезләре” дигән темага Халыкара фәнни-гамәли конференция эшләде. Конференция эшендә хәбәрчебез Ләлә Зәйнуллина катнашты.
Татар теле Бөтен дөньяга таралган. 7 миллион татарның 5 миллионы Татарстаннан читтә, Россиянең төрле төбәкләрендә, чит илләрдә яши. Төрки телләрнең берсе буларак, татар теле башка халыклар белән аралашырга мөмкинлек бирә.
Конференциягә 80 кә якын фәнни доклад кабул ителгән. Алар арасында Казакъстан, Кыргызстан, Мәскәү һәм чит ил галимнәре эшләре дә бар.
Бүгенге көнгә кадәр килеп җиткән тел–халкыбызның зирәклеген, рухи байлыгын үзенә туплаган кыйммәтле хәзинә. Бу байлыкны саклау, киләсе буыннарга тапшыру һәркемнең изге бурычы.
Ләлә Зәйнуллина, Таһир Хәсәнов, Татарстан яңалыклары.
