РФ Президенты Владимир Путин өч Батырлык ордены ияләре өчен махсус ташламалар турындагы инициативаны хуплады. Гражданнар җәмгыятен һәм кеше хокукларын үстерү советы утырышында шундый тәкъдим белән Кеше хокуклары буенча совет рәисе Валерий Фадеев чыгыш ясады.
Оешма җитәкчесе билгеләп үткәнчә, Россиядә әлеге мактаулы бүләккә ия булучылар күп түгел, 150гә якын кеше, ләкин һәркайсы кылган батырлык өчтән ким түгел һәм мондый ярдәм чарасына лаек.
«Шул ук вакытта алар бүген бернинди дә: пенсия, медицина яки транспорт ташламаларына ия түгел. Өч Батырлык ордены кавалерларына ташламалар турындагы мәсьәләне хәл итүне сорыйм», — диде Кеше хокуклары буенча Совет рәисе.
Путин билгеләп үткәнчә, бу мәсьәлә тиз арада хәл ителергә тиеш, дип хәбәр итә ТАСС.
