Татарстан Президенты каршындагы татар телен саклау һәм үстерү мәсьәләләре комиссиясе һәм Татарстан мөфтияте тарафыннан игълан ителгән республикакүләм “Изге әманәт” бәйгесенә нәтиҗәләр ясалды. Татарстанда иң яхшы мәчет кайсы? Иң яхшы имам-хатыйб кем икәнен хәбәрчебез Мөршидә Җиһан белә.
Дәүләт һәм дин әһелләрененең уртак проекты “Изге әманәт” конкурсына йомгак ясалды. Туган телләр һәм халыклар бердәмлеге елы кысаларында уздырылган конкурсның җиңүчеләре Татарстан диния нәзарәты бинасында бүләкләнде.
Бәйге номинацияләре алтау. Алар арасында, “Гаилә кыйммәтләрен ныгыту буенча иң яхшы татар телле проектларны тормышка ашыручы мәчет” дип аталган номинация дә бар иде.
“Изге әманәт” бәйгесе дини чара булу белән беррәттән татар теленең кулланыш дирәсен арттыру максатында үткәрелде.
Эшләргә бәяләгәндә балалар һәм яшьләр арасында, гомумән мәхаллә халкына, милли-дини үзаң тәрбияләү буенча системалы эшчәнлек алып баруга, татар телен, татар-мөселман гореф-гадәтләрен һәм традицияләрен саклауга юнәлтелгән төрле массакүләм чаралар уздыруга игътибар бирелде.
СНХ Марат Әхмәтов
Татарстан Президенты карамагындагы татар телен саклау һәм үстерү мәсьәләләре комиссиясе рәисе
“Изге әманәт”конкурсы нәтиҗәләре авыл һәм район мәчетләрендә эзлекле эш алып барылуын тагын бер кат исбатлады.
Мөршидә Җиһан, Таһир Хәсәнов. Татарстан яңалыклары.
