Казан лимфологларының халык телендә “фил авыруы” дип йөртелгән чирлеләрне дәвалаудагы чираттагы уңышы. Бер хатын-кызга берничә катлаулы операция ясап, аны аякка бастырганнар. Табиблар һәм авыру белән хәбәрчебез дә аралашып кайтты.
Алена Зарипова чәчләрен тарап, буянып, журналистлар янына чыгарга әзерләнә.
Дулкынланып башкларга сөйләр сүзләре күп аның. Алена озак вакыт дәваланганнан соң, ниһаять аякка баскан. Клиникага «фил авыруы” белән кергән. Казанга Чиләбе өлкәсеннән килгән. Аяклары иләмсез булып шешенә. Хәтәр авыру моннан 26 ел элек башлана.
Табиблар га ясалган операцияләр турында искә алдылар. Берничә операция ясаганнар. Экспертлар командасы бердәм эшләгән. Кызның гәүдә авырлыгы 141 килограммнан 72 килограммга кадәр кимегән. Дөнья практикасында уникаль очрак –ди лимфологлар.
Генетик дәрәҗәдәге авыруларны дәвалауны күп еллар Казан лимфология үзәгендә өйрәнәләр. ДНКны даими расшифровкалау дәвалауның уңай нәтиҗәләренә китерә.
Дәваланып чыккач, пациентлар гаилә кора, эшкә урнаша, һәм әлбәттә инде табибларга рәхмәт әйтәләр. Алена да бик рәхмәтле. Авыргач, ул начар сөйләшә башлаган. Биредә сөйләмен дә яхшыртытрга булышканнар. Үзен яхшы хис итә. Тиздән ул хастаханәдән өенә кайтып китәчәк.
Алмаз Хәкимов, Владимир Юрков, Татарстан яңалыклары.
