Тавык йомыркаларын төрү тартмаларыннан башлап медицина битлекләренә кадәр. Түбән Кама сәнәгать паркының бер мәйданчыгында тагын башка товарлар да җитештерелә. Буш кырда өч ел эчендә берьюлы берничә предприятие барлыкка килде, яңа эш урыннары булдырылды.
Бу зур сәнәгать паркы. Бизнесны уңышлы алып бару өчен зонаны Түбән Кама янында өч ел эчендә ачтылар. Муниципаль җирдән, түләүсез коммуникацияләр һәм салым ташламаларыннан файдаланалар. Бу резидентларга да отышлы.
Резидентлар отышта. Хәзер алар унөчәү. Кайчандыр буш торган басуда зур һәм кечкенә цехлар төзелгән, һәркайсында эш кайный.
Киләчәктә резидентлар җитештерүне киңәйтергә планлаштыра. Монда эшләнгән товарлар Татарстан һәм Идел буе базарында бик кирәк.
Республика Хөкүмәте ярдәменнән башка бизнес алып бару кыен булыр иде, дип ышана Андрей Семкин. Барлык уңайлыкларны исәпкә алып, ул үз бизнесын Татарстанга Екатеринбургтан күчергән.
Дәүләт ярдәме программасына электр энергиясе, инженерлык, юл инфраструктурасы объектларын төзүгә 30 миллион сумга кадәр займнар тотылган чыгымнарның бер өлешен каплау керә. Башка ташламалар да бар.
Киләчәккә зур планнар-җитештерүне киңәйтү, яңа резидентларны урнаштыру, димәк, тиздән шәһәрдә яңа эш урыннары барлыкка килә.
Алмаз Хәкимов, Ренат Сәхибгәрәев,Татарстан яңалыклары, Түбән Кама.
