Татарстан Рәссамнар берлегенә — 85 ел. Шушы вакыт эчендә Берлек Россиянең алдынгы иҗат оешмаларының берсенә әверелде. Бүген ул 200 гә якын профессиональ рәссам, скульптор, график, декоратив-гамәли сәнгать осталарын, театр, сәнгать белгечләрен берләштерә.
Юбилей уңаеннан махсус ачылган күргәзмә республикабызның күп милләтле сәнгатен, жанр, стиль байлыгын һәм төрлелеген тәкъдим итә. Күргәзмә экспозициясенең мөһим өлеше — яшь рәссамнар, Мәскәү һәм Санкт-Петербург сәнгать югары уку йортларын тәмамлаучылар эшләре.
