Казанда «Наше время — Безнең заман” эшче яшьләр фестиваленең гала-концерты узды. Быел ул 9 тапкыр оештырылды. Чараның матур мизгелләре хәбәрчебез Айзилә Батырханова әзерләгән сюжетта.
Бу кичтә завод, газ хезмәте эшчеләре, табиблар эш киемнәрен сәхнә костюмына алыштырды. Күзләрдә очкын, күңелләрдә яшьлек дәрте. Мондый хисләрне 9нчы тапкыр республикакүләмендә оештырылучы “Безнең заман” фестивалендә генә тоярга мөмкин.
Фестивальнең зона турларыннан сайлап алынган иң яхшы иҗади номерларга Татарстан Республикасы Президенты Рөстәм Миңнеханов үзе бәя бирде.
Оешманы тәкъдим итү, җыр, бию, оригиналь номер кую барлыгы 4 номинация буенча иң-иңнәр сәхнә тотты.
“Юл хәрәкәте куркынычсызлыгы” дәүләт бюджет учреждениесе фестивальнең абсолют батыры дисәк тә ялгыш булмас, 3 ел рәттән алар гран-при исемен һәм фестиваль кубогын кулларыннан төшерми.
“Юл хәрәкәте куркынычсызлыгы” дәүләт бюджет учреждениесе Безнең заман геройлары дигән махсус бүләккә ия булды. Ә 2021 елның гран-при иясе Аммоний акционерлык җәмгыяте.
Айзилә Батырханова, Тахир Хәсәнов, Татарстан яңалыклары
