Экологлар, башка министрлык һәм ведомство вәкилләреннән торган комиссия Түбән Кама районындагы Каракүл территориясенең торышын тикшерде. Күлне уникаль су объектларын саклау федераль программасына кертү өчен гариза бирергә җыеналар. Киләчәктә әлеге сулыкны ничек итеп күрәләр? Бу хакта киләсе репортажда.
Каракүл халык теленә пионерлар күле дип кергән. Биредә Казан дәүләт университеты студентлары үсемлекләрнең Кызыл китапка кергән төрләрен ачыклаган. Шул вакыттан бирле сулык уникаль санала. Аны яңарту чистарту эшләре башланды. Бүген күл янына янә экологлар килде.
Хәзер экологларның бурычы – әлеге күлне «Уникаль су объектларын саклау» федераль программасына кертү. Беренчел бурыч – күлнең төбен, ләм катламнарын һәм чишмәләрне чистарту.
Очрашу конструктив узды, күп кенә сорfуларга җавап алынды. Ләм катламнарын ничек, кая урнаштыру урыннары турында киләчәктә киңәшмәләр уздырабыз. Күлне федераль программага кертеп, төзекләндерү чистарту эшләрен башлау өчен планнар тәкъдим ителде.
Эшнең кайчан башланачагы әлегә төгәл билгеле түгел. Экологлар документларны әзерли.
Денис Макаров , Евгений Лызаев, Түбән Кама.
