Кызганычка каршы, короновирус белән вазгыять катлаулы һәм киеренке. Тапшыруыбызыны кайгылы хәбәр белән дәвам итәбез. Татар җәмәгатьчелеге язучы, шагыйрә һәм тәрҗемәче Фәйрүзә Мөслимованы соңгы юлга озатты.
Фәйрүзә Мөслимова 1954 елның 9 июлендә Татарстанның Актаныш районы Иске Балтач авылында туа. Иске Кормаш, аннары Актаныш урта мәктәбендә белем ала. Казан дәүләт университетының журналистика факультетын тәмамлый. «Яшь ленинчы» газетасында, соңыннан «Ялкын» журналында эшләп, балалар һәм үсмерләрнең дустына, сердәшенә әйләнгән шагыйрә. «Ярату яралары», «Апрель кары», Гөрләвекләр, Әлифба, Бүләк һәм башка китаплар авторы. Аның сүзләренә дистдән артык җыр иҗат ителгән. Шагыйрә Фәйрүзә Мөслимова Самосырово зиратында җирләнде. Якыннарының тирән кайгысын уртаклашабыз.
