Республика терлекчеләре малларны кышлатуга күчерә. Җәйге корылыкка карамастан, киләсе салкын айларга тулаем азык запасы җитәрлек. Сарман районының күпчелек крестьян-фермер хуҗалыкларында фураж ашлыгы, сусыл үләннәр үстерү өчен үз кырлары, техникалары бар. Крестьян-фермер хуҗалыгыннан репортаж.
100 баш сыерга исәпләнгән ферма төзи башлаганчы, Газизовлар гаиләсе терлекчелекнең барлык нигезләрен үзләштерде. Алар крестьн-фермер хуҗалыгын ике дистә ел элек оештырган. Ә 2016 елда гаилә фермаларын үстерүгә республика авыл хуҗалыгы һәм азык-төлек министрлыгы грантын отканнар.
Терлек азыгын үзләре әзерли. Яз һәм көзен кыр эшләрендә балалары булыша Комбайн, трактор һәм башка агрегатлар үзләренеке. Төп юнәлеш- иткә үгезләр симертү. Ат үрчетү белән дә шөгыльләнергә планлаштыралар. Сарман районында мондый мисаллар аз түгел. Күпләр дәүләт ярдәме программаларында уңышлы катнаша.
Районда хуҗалык итүнең кече формалары уңышлы үсә. Биредә 80 фермер хуҗалыгы исәпләнә, аларның 9 мең ярым гектар сөрүлек җире бар. Дәүләт ярдәме белән киләчәктә яңа бурычлар куелган.
Дмитрий Второв, Ленар Хәбибуллин, Илдар Сафиуллин, Татарстан яңалыклары, Сарман районы.
