Кукмарада «Татмедиа»ның яңа филиалын ачу тантанасы узды. Хәзер районның барлык мәгълүмат агентлыклары бер мәйданчыкта һәм яңа җиһазлар белән эшләячәк.
Тасманы кисүдән Кукмара районы тормышында яңа мәгълүмати бүлек башлана. Яңартылган, ике катлы бина, аны хәзер Татарстанның тагын бер тулы телетапшыру ноктасы дип атарга мөмкин.
Мәгълүмат үзәге хәзер бер түбә астында. Хәзер халык мәгълүмат алырга да килә һәм телевидение һәм радиодан да файдалана ала. Безнең район халкы өчен дә, эшмәкәрләре өчен дә — реклама базасы, гомумән, район үсеше күрсәткече.
«Татмедиа» Республика матбугат һәм массакүләм коммуникацияләр агентлыгы җитәкчесе — Айдар Сәлимгәрәев барлык өстенлекләрне дә карап чыкты, яңа шартларга бәя бирде.
Бу кешеләрне, шәһәрне, берләштерә торган урын, редакция, ниһаять, шундый лаеклы шартларда эшли башлый. Тормыш үзгәрә, һәм тормыш, хезмәт шартлары да һәрвакыт үзгәреп тора. Менә монда бу омтылыш сизелә.
Редакция вакыйгаларның үзәгендә кайнаудан тыш, бинасы да шәһәр үзәгендә урнашкан. Анда ныгытып эшләр өчен барлык кирәкле җиһазлар һәм мөмкинлекләр дә бар. 2 кат — телетапшырулар студиясе, радиочыгарылышлар монтаж, архив, музей өчен аерым бүлмә.
Хәзер тавышны яздыру бик уңайлы, тыныч, җирдә. Тәрәзә аша инде монтажлау эше бара. Бераздан телетапшырулар алып барырга мөмкин булачак. Менә яңа суфлер, прожекторлар-яңа утлар.
Яңа мәгълүмат үзәгендә бер мәйданчыкта «Кукмара-24» телекомпаниясе, «Кукмара авазы» радиосы һәм инде күптән халык күңелендә аерым урын алган «Трудовая слава» (Хезмәт даны) газетасы хезмәт күрсәтер дип көтелә.
Алия Галиуллина, Елизавета Жукова, Ринат Сәхибгәрәев, Татарстан яңалыклары
