Казанда 1 ноябрьдән физик мөмкинлекләре чикләнгән кешеләргә спорт белән шөгыльләнү мәсьәләләре буенча кайнар линия эшли башлый.
Мәгълүматны белү өчен 292-61-29 номеры буенча шалтыратырга кирәк. Хәзерге вакытта 37 муниципаль спорт объектының 7се мөмкинлекләре чикләнгән кешеләр өчен тулысынча җайлаштырылган, объектларның 60% — ы начар күрүчеләр өчен ачык. Ә 15 спорт комплексында инвалидлар өчен махсус дәресләр булдырылган. Хәзер алар йөзү, флорбол, мини-футбол, иппотерапия, дәвалау физкультурасы белән бушлай шөгыльләнә ала. Комплексларда махсус юнәлешле плитәләр, баскычларда яктылык җиһазлары, Брайль һәм тактиль күрсәткечләр бар.
