Татарстан Республикасы Дәүләт сынлы сәнгать музееның «Хәзинә» галереясендә Казан рәссамы Полина Илюшкинаның «Вакыт угы» исемле шәхси күргәзмәсе эшли.
«Вакыт угы» күргәзмәсе — нәфис-музыкаль проект, монда һәр картина җырлап тора, образларны RENAISSANCE камера оркестры музыкасы озата бара. Экспозициягә куелган картиналар Татарстанда, Россиядә, ислам һәм буддист илләрендәге тарихи, мәдәни һәйкәлләргә һәм вакыйгаларга багышлана.
Проектта соңгы ун елда эшләнгән рәсемнәр тупланган. Рәссам аларны Кытай, Иран, Үзбәкстанд, Таҗикстан, Казакъстан, Төркия, Вьетнам, Сербия, Мисырда ясаган.
Галереягә килүчеләр күптән түгел ясалган «Казан Мәрьям Ана иконасы соборын тантаналы ачу» полотносын да күрә алды. Полина әлеге картинасын тантаналы гыйбадәттә катнашучы буларак ясаган.
Иң масштаблы картиналарның берсе — «Иранда шәһәр автобусында хатын-кызлар». Төркия турындагы хатирәләрен яңарткан картиналарына Төркия генераль консулы Исмет Эрикан җитәкчелегендәге рәссамнар делегациясе аеруча игътибар итте.
«Сәнгатьтә конфликтлар, аңлашылмаучанлыклар юк, әмма дуслык һәм тынычлык бар», — дип ассызыклады.
Полина Илюшкина үзе «вакыт угы» күргәзмәсен бөтен дөнья сыный торган шугалак белән бәйли. Көнчыгыш илләрендә кешеләр менталитеты акрын үзгәрә. «Вакыт угы» аның агымының юнәлешен генә күрсәтә, гәрчә төрле тизлек белән булса да. Ә үткән, бүгенге һәм киләчәк арасындагы аерма — иллюзия генә», — дип басым ясады.
Быел ул «җир шары буенча Мольберт белән» циклының рәсем сәнгате һәм иҗат эшләре сериясе өчен — Россия Сәнгать академиясе медаленә лаек була.
Полина Илюшкинаның шәхси күргәзмәләре Мәскәүдә, Санкт-Петербургта, Әлмәттә һәм Германиядә оештырылган була.
Казандагы күргәзмә 17 ноябрьга кадәр эшли.
