Түбән Кама кадетлары Хәтер парадында катнашырга әзерләнә. Бу чара менә 10 ел инде 7 ноябрьдә Самара шәһәренең Куйбышев мәйданында уза. Пандемия сәбәпле, быел традицион парадны онлайн форматта үткәрергә карар кылынды, анда Идел буе округының барлык төбәкләре вәкилләренең катнашуы көтелә.
Команда бирелүгә кадетлар взводы үз йөрешен башлый. Җилдә байрак җилферди, барлык 50 кадет хәрби җыр ритмнарында һәр адымны төгәл атлый. Быел пандемия сәбәпле, Самарада узарга тиешле зур парадта бары онлайн режимда гына катнашырга туры килә. Шуңа да карамастан, парадта катнашучылар бердәм, һәркайсы Ватан өчен горурлык хисләре кичерә.
Бу парад 1941 елның 7 ноябрендә Мәскәү, Куйбышев һәм Воронежда булган вакыйгаларны искә алу йөзеннән уздырыла. Ул вакытта шәһәр мәйданнарыннан 25 меңнән артык Ватан сакчысы фронтка китте. Хәтер парадын 2011 елда кабат яңарттылар.
Идел буе округының барлык төбәкләре парадка видео роликлар әзерли, ул истәлекле дата — 7 ноябрьдә Самарадагы Куйбышев мәйданында трансляцияләнә.
Татарстан яңалыклары, Түбән Кама.
