Европада иң яхшылары. Австриянең Грац шәһәрендә узган Евроскиллс чемпионатында Татарстан вәкилләре Мәскәүлеләрне дә узып, иң күп медальләр яулады. Ярышларның җиңүчеләрен һәм экспертларны Татарстан президенты Рөстәм Миңнеханов бүләкләде.
Барлык көндәшләрдән дә остарак булып, ярышларның абсолют лидерлары исемен яуладылар. Эльдар Сейдаметов һәм Владислав Дюбанов берьюлы ике медаль алды. «Мобиль робот техникасы» компетенциясендә, шулай ук чемпионатта иң күп җыелган очколар өчен алтын медальләр. Хәзер бу бүләкләргә Татарстан Президентының Рәхмәте дә өстәлде.
Утыздан артык илдән дүрт йөз конкурсант һәм иллеләп компетенция. Россия катнашучылары барысын да артта калдырды. Ә Татарстан вәкилләре Мәскәүлеләргә караганда да күбрәк медаль алды — җиде алтын, дүрт-көмеш, өч бронза һәм һөнәри осталыклары өчен ике медаль.
Лайф
Вероника Салатова «Визуаль мерчендайзинг», ягъни витринааларны бизәү компетенциясендә җиңеп чыкты.
Мин җиңү өчен күп тырыштым, яхшы күрсәткечкә ирешү өчен күп тырыштым.Бу минем өчен дә, тренерым өчен дә бик кадерле медаль.
Хәзер Вероника да тренерлыкка күчә, осталыгын башка амбициоз егет-кызларга җиткерергә ниятли. Ә әлегә 21 яшен тутырмаган Степан Туривной дөнья беренчелегендә катнашырга җыена. Чемпионат 2022 елда Шанхайда уза. «Ресторан сервисы» компетенциясендә беренче тапкыр уңышлы чыгыш ясады.
Һәрвакыт алга омтылырга кирәк Киләчәктә Татарстанда эшкә калуыгызны телим, — диде Рөстәм Миңнеханов конкурсантларга.
Рөстәм Миңнеханов Татарстан Республикасы Президенты
Сезнең җиңү-чемпионат хәрәкәтенең югары ноктасы. Аны уртак көч белән саклап калу мөһим. Менә бу флагны саклап калу җиңел булмаячак. Ә без саклап калырга да сәләтле.
Эшче һөнәрләре хәрәкәтендә безнең республиканың казанышлары — әлеге уңышлы шигарнең дәлиле.
Инна Данилова, Айрат Каюмов, Татарстан яңалыклары.
