КАМАЗ акционерлек җәмгыятендә җәмәгать транспортының яңа төрен – водоробусны тәкъдим иттеләр. Автобусның тәҗрибә үрнәге водород двигателендә эшли. Ул экологиягә зыян китерми, ягулык та азрак тотыла. Шәһәрдә водоробусларны кайчан күреп булачак? Киләсе репортажда.
Водоробус беренче метрларны тест режимында буш салон белән үтте. Сынау узгач, әлеге яңа транспорт шәһәр маршрутларына чыгарга тиеш.
26 шар килограмм тыгызландырылган водород сыйдырышлы 6 баллон бу автобуска ягулык салмыйча 12 сәгать йөрергә мөмкинлек бирә. «КАМАЗ» заводының яңа транспорты пассажирларны тавышсыз йөртә, әйләнә-тирә мохитка да зыян китерми.
Водоробусның әлеге продуктлары бер системада әйләнешен дәвам итә. Ул елның теләсә кайсы вакытында эксплуатацияләү өчен яраклы. Экологиягә зыян китерми торган транспорт күп пассажирны сыйдыра, барлыгы 80 урын, 33 утыргыч бар. Салонда кондиционер урнаштырылган.
Беренче водород автобусын Мәскәүдә 2022 елда сынап каррга җыеналар. Шул ук вакытта КАМАЗ йөк машинасы үрнәген дә сыный. Ул, җәмәгать транспорты кебек үк, якын киләчәктә шәһәр автопаркын яңартырга тиеш.
Айнур Вәлиәхмәтов, Татарстан яңалыклары, Чаллы.
