Чиста су республика программасын гамәлгә. Буа районының Боерган авылында яңа суүткәргеч төзиләр. Чуеннан ясалган иске гидросистеманың кулланг вакыты чирек гасыр элек чыккан. Шуңа күрә авылны су белән тәэмин итү проблемасы актуаль. Быелгы коры җәйдә аны аеруча нык сизделәр.
Боерган урамнарында суүткәргеч чокырлар казыйлар. Иртәдән караңгы төнгә кадәр техника гөрелтесе тынмый. Биредә Апас районыннан килгән төзүчеләр бригадасы эшли.
Яңа суүткәргеч салуны Боерган халкы түземсезлек белән көтә. Бигрәк тә югарыда урнашкан Күпер, Пушкин, Яшьләр урамнарында яшәүчеләргә кыен. Җирле ветеринария табибы Геннадий Логиновның әйтүенчә, өске урамнарда яшәүчеләр җәен ай ярым сусызлыктан интеккәннәр.
Авылда иске суүткәргеч 1967 елда төзелгән. Аннан файдалану вакыты 25 елга исәпләнгән. “Авыл территорияләрен комплекслы үстерү” программасы буенча су белән тәэмин итү челтәрләрен яңарту турында карар кабул ителгән. Бер милллион сум акча республика бюджетыннан грант рәвешендә бирелгән.
Авыл халкы яңа су белән тәэмин итү системасы кертелгәч, ниһаять. су проблемасы бетәр, дип өметләнә. Ә әлегә зур газаплар белән булса да, иске суүткәргечтән файдаланалар.
Алсу Сәмигуллина, Гакыйл Камалетдинов. Татарстан яңалыклары, Буа районы.
