Статистика мәгълүматларыннан күренгәнчә, республикада коронавирус йоктыручылар саны кимеми. Балалар, бигрәк тә яңа туучылар арасында да авыруның таралуы аеруча борчу тудыра. Республика балалар клниник хастахасенең ковид госпиталендә медицина хезмәткәрләре йогышны дәвалауда киеренке эшлиләр. Кызыл зонада табибларның фидакярь хезмәтен хәбәрчебез дә күреп кайтты.
Сабыйлар авыртудан да, табибларны күргәч тә, елый башлый. Саклагыч костюм кигән табибларның процедуралары да куркыта аларны.
Әниләргә дә җиңел түгел. Хастаханәдә сабыйлары янында көннәре дә, төннәре дә йокысыз уза. Сабыйлары йоклаган арада, ковид йогышына тест узалар. Таисиянең тест нәтиҗәләре тискәре, ә менә кызыныкы уңай. Госпитальдә ике атна яталар нде, әлегә кайчан чыгасылары билгеле түгел.
Гөлгенә күкрәк нарасыеның тыны кысылудан интегүен куркыныч төш кебек искә ала. Бала тудыру йортыннан чыгуга, хастаханәгә эләгәләр.
Күкрәк балалары ешрак авырый башлаган. Башлангыч билгеләре салкын тигәндәге кебек булса, берничә көннән йогыш көчәя. Җитлегү чорындагы яшүсмерләр дә чирне авыр кичерә.
Хастаханәнең вакытлы госпиталье ике катта урнашкан, авырулар бөтен республикадан китерелә.
Бу көнне Гөлгенәне сабые белән хастаханәдән чыгардылар. Ә алты айдан соң, ковидтан прививка ясатырга җыена. Ара-тирә бушаган чакларында, барлык әниләрнең дә күзләре тәрәзәгә текәлгән, хастаханәдәге борчулы көннәрнең тизрәк тәмамланып, өйләренә кайтуны түземсезлек белән көтәләр.
Алмаз Хәкимов, Дамир Мөхәммәтханов, Татарстан яңалыклары.
