Әлмәттә «Безнең заман» тугызынчы республика эшче яшьләр иҗаты телевизион фестиваленең зона этабы гала — концерты узды. Фестиваль Татарстан Президентының башлангычы белән оештырылды. Сайлап алу туры ике көн барды. Татарстанның унбиш районыннан өч йөз катнашучы арасыннан иң яхшы башкаручыларны ачыкладылар. Тулырак киләсе репортажда.
Соңгы репетицияләр сәхнә артында бара. Һәвәскәр башкаручылар – төрле һөнәр ияләре — табиблар, нефтьчеләр, социаль хезмәткәрләр- барысы да дулкынлану хисләре кичерә.
Сәхнәдә Татарстанның унбиш районыннан өч йөз катнашучы чыгыш ясады. Татар. үзбәк, украин, удмурт, мари телләрендә җырлар яңгырый.
Алар җырлыйлар, бииләр, әлбәттә инде, ут чыгарып эшлиләр дә. Әлеге фестиваль киеренке хезмәт алдыннан күңел ачу, осталыкны күрсәтү мөмкинлеге.
Беренче фестивальдә 30 коллектив катнашса, хәзер алар йөз сиксәннән артык. Тиздән сайлап алу турлары Түбән Кама, Казан һәм Яшел Үзәндә уза. Иң яхшы башкаручылар 12-13 ноябрьдә фестивальнең суперфиналында кабат очраша. Ә җиңүчеләрнең исемнәре ноябрь аенда гала-концертта ачыклана. Җиңүче командага Президентның күчмә кубогы, акчалата премия бирелә. «Безнең заман геройлары» махсус призы иясенә 300 мең сумлык премия тапшырыла.
Анна Хәлиуллина, Татарстан яңалыклары, Әлмәт.
